Жылжымайтын мүлік және құрылыс
Орталық жылжымайтын мүлік туралы дауларды сотта және сотқа дейін жүргізеді: құрылыс салушылармен, ТҮҚК, МИБ, мемлекеттік органдармен және басқа меншік иелерімен.
Қандай жағдайлармен келеді
- Пәтердің ақысын брондау немесе үлестік қатысу шарты бойынша төледіңіз, ал құрылыс салушы негізгі шартты жасаспайды және объектіні бермейді.
- ТҮҚК мүшелікке қабылдамайды, пәтерге құжаттар бермейді немесе қосымша төлем талап етеді.
- Сатып алған пәтеріңізге бұрынғы иесінің немесе құрылыс салушының борыштары үшін тыйым салынған.
- МИБ немесе ПМИК жарна өндіріп алады, сіз жиналыс шешімдерімен келіспейсіз.
- Әкімдік жер учаскесін алып қояды, сіз өтемақымен келіспейсіз.
Орталық не істейді
- Шарттарды, төлем құжаттарын және ауыртпалықтар туралы мәліметтерді зерделеп, нұсқаларды бағалаймыз.
- Құрылыс салушыға, ТҮҚК-ға, МИБ-ке наразылықтар дайындаймыз.
- Талап қоямыз және қамтамасыз ету туралы өтінішхаттар береміз — мысалы, объектіні иеліктен шығаруға тыйым салу туралы.
- Мүліктен тыйымды алуға және оны тізімдемеден шығаруға қол жеткіземіз.
Әңгімеге не дайындау керек
Оларды заңгерге атап өтсеңіз жеткілікті — чатқа құжат жүктелмейді.
- Шарт (брондау, алдын ала шарт, сатып алу-сату, үлестік қатысу, талап ету құқығын басқаға беру) және қосымша келісімдер
- Түбіртектер мен төлем құжаттары
- Тіркелген құқықтар мен ауыртпалықтар туралы анықтама — бар болса
- ТҮҚК немесе МИБ жиналыстарының хаттамалары, хаттар мен жауаптар
- Сот орындаушысының тыйым салу туралы қаулылары, әкімдік шешімдері, тіркеуден бас тарту
- Сот бұрын болса, сот актілері
Жиі қойылатын сұрақтар
Құрылыс салушы пәтерді беруді созып жүр. Неден бастау керек?
Заңгермен әңгімеден: ол шарт пен төлемдерді зерделеп, сіздің жағдайыңызда қандай қадамдар мүмкін екенін айтады — наразылықтан бастап талап қоюға дейін.
Пәтерге басқа біреудің борышы үшін тыйым салынды. Бұл шұғыл ма?
Иә, кейінге қалдырмаған жөн: тыйым тұрғанда пәтерге билік ету қиын. Күндері көрсетілген құжаттарды сақтап, бізбен хабарласыңыз.
ТҮҚК мен МИБ екінші тарап болған істерді жүргізесіз бе?
Иә, олар біздің істерімізде жиі кездесетін қарсы тарап. Жұмыс басталар алдында заңгер мүдделер қақтығысы жоқ па екенін тексереді.